Të fejuarës së gazetarit të vrarë, Jamal Khashoggi, i është dhënë mbrojtje policore 24 orëshe, raportojnë mediat turke.

Hatixhe Cengiz, një shtetase turke, e ka pritur gazetarin jashtë konsullatës saudite në Stamboll më 2 tetor, ku pritej që ai të merrte për martesën e planifikuar, transmeton portali arbresh.info

Ishte pikërisht ajo që ka lajmëruar autoritet që 59-vjeçari nuk po dilte nga ndërtesa.

Arabia Saudite ka konfirmuar të shtunën se gazetari ka vdekur dhe dje ka pranuar se është vrarë, duke pretenduar se ishte një “gabim i jashtëzakonshëm”.

Agjencia zyrtare e lajmeve Anadolu njoftoi se ajo tani është në mbrojtje të policisë me vendimin e bërë nga zyra e guvernatorit të Stambollit të dielën. Raporti nuk tha pse Cengiz iu dha mbrojtje policore.

Më shumë se dy javë pasi babai i tij u vra, Saleh Khashoggi mori një telefonatë nga Saudi King Salman dhe Princi i Kurorës Mohammed bin Salman.

Mbreti i Arabisë Saudite dhe trashëgimtari i zgjedhur i telefonoi të birit më të madh Jamal Khashoggi të dielën për të shprehur ngushëllimet e tyre pasi gazetari u vra më 2 tetor.

Arabia Saudite pretendon se Khashoggi, kritik i shquar i sundimtarëve saudite, vdiq gjatë një “përleshje” në konsullatë.

Në lidhje me vrasjen e gazetarit kanë reaguar të gjithë liderët e botës, të cilët njëherit kanë kërkuar që rasti të zbardhet sa më shpejt./arbresh.info/